Статистика агентлиги маълумотларига кўра, 2024 йилнинг 1 апрелида республикамизнинг доимий аҳолиси 36 млн 963 минг 262 кишини ташкил этган.

Хабарга кўра, республикамизнинг доимий аҳолиси сони ўтган йилнинг мос даври билан солиштирилганда 2,1 фоизга ошган.

Мамлакатимиз аҳолиси жорий йил бошидан буён 163,5 минг кишига кўпайган.

Ойлик ҳисобда эса, аҳоли сони 2024 йилнинг ҳар бир ойида ўртача 54,5 минг кишига ортган.

Агар буни кунлик ҳисобга ўгирса, ҳар куни доимий аҳоли ҳажмига ўртача 1,8 минг нафар одам сони қўшилмоқда.