Президент раислик қилган йиғилишда Зарбдор ҳудудидан ўтган Қўқон — Жиззах автомобиль йўли четидаги 55 гектар, Янгиободда 700 гектар эски пистазорларни янгилаб, 5 гектардан аҳолига бўлиб бериш таклифи маъқулланди.

Шунингдек, Зарбдорда сотилмай қолаётган 10 та ва хусусийлаштириш дастурига киритилган 6 та объектнинг бошланғич баҳосини 10 фоизгача пасайтириб, 5 йилгача бўлиб-бўлиб тўлаш имконияти билан тадбиркорларга бўлиб берилади. Бу билан ҳудудда тадбиркорлик лойиҳалари ишга туширилиб, 200 та иш ўрни яратилиши мумкин.

«Мана, биргина туманни ўзида қанча имконият! Қўшимча 5 мингта иш ўрни, камида 50 миллион доллар экспорт, туман бюджетига қўшимча 80 миллиард сўм тушум», – деган Президент йиғилиш давомида.