Бандлик вазирлигининг маълум қилишича, келажакда архитектура соҳаси биноларнинг энергия истеъмолида шамол, қуёш ва ер ости сувларидан унумли фойдаланишга ҳаракат қилади.

◾️ BIM (Building Information Modeling) лойиҳаловчи

Изоҳ: Бу бино маълумот модели учун визуал қисмни яратувчи мутахассис ҳисобланади. Яъни, бундай ходимлар барча ҳужжатларни жамлаб, чизмаларни 3Д га айлантиради ва ҳар бир блокни батафсил маълумот билан тўлдиради.

◾️ «Ақлли уй» инфратузилмаси дизайнери

Изоҳ: Бу уйни интеллектуал бошқариш тизимини лойиҳалаш, ўрнатиш ва созлаш бўйича мутахассис саналади.

◾️ Эски қурилиш конструкцияларини реконструкция қилиш ва мустаҳкамлаш бўйича мутахассис

Изоҳ: Бундай ходимлар янги материаллар ва замонавий технологиялардан фойдаланган ҳолда турли биноларни реставрация қилиш ва ободонлаштириш билан шуғулланади.

◾️ Қурилишдаги 3D босма дизайнери

Изоҳ: Бу 3Д қурилиш принтерлари ёрдамида биноларни яратувчи меъмор бўлиб, у материалларни танлайди, мижознинг эҳтиёжлари, қурилиш объекти жойлашуви ва иқлимини ҳисобга олган ҳолда келажакдаги уйларнинг шаклларини ишлаб чиқади. Ушбу мутахассис лойиҳани дастурда моделлаштиради, сўнгра машиналар уни тўлиқ ҳажмда чоп этади.

◾️ «Яшил шаҳар»лар архитектори.

Изоҳ: Бу мутахассис экологик талабларни, барқарор ривожланиш тамойилларини ҳисобга олган ҳолда бинолар, маҳаллалар ва бутун шаҳарларни лойиҳалаш билан шуғулланади.