Далиев Шоҳрух Ҳожиакбарович олий таълим, фан ва инновациялар вазирининг биринчи ўринбосари, Маҳкамов Отабек Мухторович вазир ўринбосари этиб тайинланди.

Бунгача Далиев Вазирлар Маҳкамасининг таълим ва илм-фан масалаларига масъул департамент ва котибиятларида ўрта махсус, профессионал таълим, олий ва олий таълимдан кейинги таълим ҳамда олий таълим илм-фанини ривожлантириш бўйича бош мутахассис лавозимларида фаолият юритган.

Маҳкамов эса Президент Администрациясида масъул лавозимларда ишлаб келаётган эди.

Маълумот учун, лавозимдан озод этилган биринчи ўринбосар Каримов Комилжон Ҳамидович Тошкент шаҳридаги Халқаро Вестминстер университетининг ректори этиб тайинланди.

Вазирнинг собиқ ўринбосари Турдиқулова Шаҳлохон Ўткировна эса Ўзбекистон Фанлар академиясининг вице-президенти бўлди.