Маълум бўлишича, ҳолат Қашқадарёда вилоятида содир бўлган. Унда «Баркамол авлод» болалар мактаби директори Қарши туманидаги мактаб директори ўринбосарини Яккабоғ туман Мактабгача ва мактаб таълими бўлими бошлиғи лавозимига тайинланишида ёрдам беришини айтган. У бу «иш»ни ўзининг юқори лавозимда ишловчи танишлари орқали бажармоқчи бўлган. «Хизмат ҳақи» учун эса «номзод»дан 55 минг АҚШ доллари талаб қилган.

Ўтказилган тезкор тадбир жараёнида мактаб директори кўрсатилажак «хизмат»и учун олдидан 30 минг АҚШ доллари олаётган вақтида ушланган.

Ҳозирда унга нисбатан Жиноят Кодексининг 168-моддаси (фирибгарлик) ва 28,211-моддаси (пора бериш) билан жиноят иши қўзғатилиб, тергов ҳаракатлари олиб борилмоқда.