Шавкат Мирзиёев Янги Наманган шаҳри босқичлари бўйича тақдимот билан танишди.

Шаҳар қурилиши икки йил олдин бошланган эди. Бугунги кунда у ерда 2 минг 764 та хонадонли кўп қаватли уй-жойлар барпо этилган, яна 648 та хонадонли уйлар қурилмоқда.

Маълумотга кўра, янги шаҳар 200 минг аҳолига мўлжалланган бўлиб, унинг ҳудудида боғча, мактаб ва бошқа ижтимоий муассасалар, иш ўринлари учун саноат зонаси бўлади. «Янги Ўзбекистон боғи» ҳам шу ерда барпо этилади.

Тақдимот давомида Президент унинг қулайлик, хавфсизлик, сифатли эксплуатацияни мужассам этган ақлли шаҳар бўлиши кераклигини таъкидлаган.