Мутасаддининг фикрича, бу терроризмга қарши курашиш учун самарали йўллардан бири бўлиши мумкин.

«Адолатли Россия – Ҳақиқат учун» партияси раиси, Давлат Думасидаги партия фракцияси раҳбари Сергей Миронов Марказий Осиё давлатлари билан виза режимининг жорий этилиши нафақат миллий хавфсизликни мустаҳкамлашга, балки Россия Федерацияси ва жанубий қўшнилар ўртасидаги чинакам ўзаро манфаатли ҳамкорликка хизмат қилишини таъкидлаган.

««Адолатли Россия – Ҳақиқат учун» фракцияси миграция жараёнлари устидан назоратни кучайтириш бўйича бир қатор чора-тадбирларни таклиф қилмоқда, аммо биз Марказий Осиё давлатлари билан виза режимини жорий этишдан бошлашимиз керак. Бусиз чегарада тартиб бўлмайди. Бу ҳозир миграцияни тартибга солиш ва террорчилик хуружларига қарши курашда муҳим аҳамиятга эга!» – деган парламент аъзоси.

Мироновнинг фикрича, визасиз саёҳатнинг бекор қилиниши ҳеч қандай ҳолатда қўшниларга нисбатан нодўстона ишора сифатида қаралмаслиги ва уларнинг тўғри тушунишига ишониш керак.

«Ҳамма Россияни кескин ҳарбий қарама-қаршиликка тортаётганини кўриб турибди. Душманларимиз чегараларнинг очиқлигидан фойдаланиб, қўшни давлатлардан мамлакатимизга қарши қўпорувчилик ҳаракатларини тайёрлаш учун трамплин сифатида фойдаланмоқда. Албатта, бу ҳудудида террорчилар ва турли хил экстремистик элементлар тўпланган қўшниларимизга ҳам таҳдид солади. Шу боис визасиз режимнинг бекор қилиниши бутун Евроосиё маконида хавфсизлик ва ҳамкорликни мустаҳкамлашга қаратилган қадамдир», — деган Миронов.