Маълум бўлишича, Гонконг терма жамоаси билан бирга келган HK01 нашри мухбири Юань Чжи Хао Ўзбекистон ҳақида репортаж тайёрлаган ва бу жараёнда машғулот майдонини танқид қилган. Шунингдек, репортажда жамоа машғулотлари пайтида осмонда ғалати тутун пайдо бўлгани айтилган.

Бироқ Гонконг терма жамоаси бош мураббийи стадион ва муҳитдан мамнун эканлигини билдирган:

«Бу ердаги муҳит биз тасаввур қилганимиздан ҳам яхшироқ, шунингдек, Эрондаги шароитлардан ҳам идеалроқ. Бу ерда иккита яхши машғулот ўтказдик», деган у.

Маълумот учун, эртага, 26 март куни Ўзбекистон миллий терма жамоаси ЖЧ-2026 йўлланмаси учун Ганконг терма жамоасига қарши майдонга тушади. Мазкур ўйин саралаш жараёнининг 2-босқичи доирасида Тошкентда ўтказилади.