26 мартдан Тошкент шаҳрида 2023–2024 йилги иситиш даври якунланиши режалаштирилмоқда, дейилади Тошкент шаҳар ҳокимлиги хабарида.

Хабарда ёзилишича, иситиш даврининг тугатилиши учун ташқи ҳавонинг суткалик ҳарорати 8 даражадан юқори бўлиши зарур. Шунингдек, бундай ҳарорат 5 кун давом этса, 6-кундан иситиш тизими ўчирилади.

Шу ҳисобда, 2024 йилнинг 26 март кунидан 2023–2024 йилги иситиш даври якунланишига айни кунларда ҳарорат 10 даражадан юқори бўлаётгани асос сифатида кўрсатилган.