Бугун, 25 март куни Тошкент шаҳрида ҳаво бироз булутли бўлади, ёғингарчилик кутилмайди.

Ҳарорат кечаси 11-13 даража илиқ, кундузи 23-25 даража илиқ бўлади. Бу ҳақида Ўзгидромет хабар берди.

Хабарга кўра, республика бўйича ёғингарчилик кузатилмайди.

Кун давомида энг юқори ҳарорат Қашқадарё — Сурхондарё вилоятларида кутилади. Бунда кундузи ҳарорат +30 даражагача кўтарилиши мумкин. Кечаси эса 10-15 даража илиқ бўлади.

Энг паст ҳарорат водий вилоятларида кузатилади. Бунда кундузи ҳарорат +25 даражагача кўтарилади. Кечаси эса 5-10 даража илиқ бўлиши айтилади.