Маълум бўлишича, воқеа кеча, 18 март куни Кўкдала туманида юз берган. Унда туман аҳолиси байрам сайлини ўтказаётган бўлган.

Ҳодиса оқибатида 37 нафар фуқаро турли даражада жароҳат олган. Ҳаммаси касалхонага олиб кетилган. Уларнинг 7 нафари стационар тартибда шифохонага ётқизилган. 17 нафарининг аҳволи қониқарли бўлганлиги боис амбулатор кўрикдан ўтказилиб, тиббий ёрдам кўрсатилган, 13 нафарида тан жароҳатлари аниқланмаганлиги сабабли тиббий кўрикдан ўтказилиб, уйига қайтарилган.

Мазкур ҳолат юзасидан Кўкдала туман прокуратураси томонидан Ўзбекистон Республикаси ЖКнинг 207-моддаси 2-қисми билан жиноят иши қўзғатилиб, тергов ҳаракатлари олиб борилмоқда.