Абдулла Қодирийнинг «Ўткан кунлар»и романини инглиз тилига таржима қилган таржимон Марк Рис Ўткир Ҳошимов қаламига мансуб «Дунёнинг ишлари» асарининг хориж тилидаги нашри ҳам чоп этилиш арафасида эканини маълум қилган.

Таржимоннинг ёзишича, китоб жорий йилнинг 31 март санасидан бошлаб чоп этилади. Таржима асарни Нью-Йорк метросида реклама қилиш режалаштирилган. Китобни имзолаш эса апрель ойида Нью-Йорк шаҳрида бўлиб ўтади.

Шунингдек, Рис китобга ўз ҳиссасини қўшганларни ҳам эслаб ўтган. Улар орасида Дилдора Шамуратова (рассом), Жон Cампион (муҳаррир), Гулноза Исмаилова (муҳаррир), Мунира Норова (муҳаррир), Жаҳонгир Азимов (муҳаррир), Абдулло Рўзиев (таржимон) ва Марк Рис (таржимон).