«Ўзбекнефтгаз» АЖга тегишли АЁҚШларда сўнгги кунларда бензин тақчиллиги кузатилгани сабабли интернет ижтимоий тармоқларида танқидий муҳокамалар бўлди.

Компания ахборот хизматининг хабар беришича, бензин тақчиллигини олдини олиш учун «Ўзбекнефтгаз» АЖ ва «Товар хомашё биржаси» АЖ ҳамкорлигида чора-тадбир ишлаб чиқилган.

Натижада «Ўзбекнефтгаз» АЖга қарашли АЁҚШларда бугун, 26 ноябрь кунидан бошлаб соат 20:00дан буён «АИ-80» маркадаги бензин 6890 сўмдан сотувга чиқариладиган бўлди.

Хабарга кўра, республика ҳудудидаги «Ўзбекнефтгаз» АЖнинг барча АЁҚШларда бензин бўлиши таъминланади.