Кеча, 15 июнь куни соат 20:58 да Тошкент шаҳрида жойлашган “Миллий боғ” ҳудудининг орқа қисмида қуруқ ўт ёнаётганлиги тўғрисида ФВБга хабар тушган.

Зудлик билан воқеа жойига 2 та ёнғин-қутқарув экипажи 21:08 да етиб бориб, ёнғинни бартараф этиш ишларини олиб бориб, соат 21:23 да ёнғин тўлиқ бартараф этилган.

Ёнғин натижасида тахминан 100 кв.м. майдонда қуруқ ўт ёниб зарарланган.

Ҳодиса оқибатида тан жароҳати олган ва ҳалок бўлганлар йўқ.

Ёнғин сабаби ва моддий зарар миқдори аниқланмоқда.