Хоразмда асфалт ётқизиб бериш эвазига 48 минг АҚШ долларини олаётган бўлим бошлиғи қўлга олинди. Бу ҳақида ДХХ Ахборот хизмати маълум қилди.

«Хоразм йўл қурилиш» МЧЖда бўлим бошлиғи лавозимидаги шахс Хива туманидаги оилавий корхонага тегишли 8500 квадрат метр ерга ҳужжат расмийлаштирмасдан, асфалт ётқизиб бериш эвазига корхона раҳбаридан 1 миллиард  306 миллион сўм талаб қилган. Шундан 48 минг АҚШ долларини олаётган вақтида ушланди.

Ҳозирда мазкур шахсга нисбатан жиноят иши қўзғатилган.