Янги туғилган болани фарзандликка олган ёки унга васий қилиб белгиланган ходимга 56 календарь кун (бир вақтнинг ўзида 2 ёки ундан ортиқ бола фарзандликка олинган тақдирда эса 70 календарь кун) ўтгунига қадар таътил берилади.

Бунда ходимга ўртача ойлик иш ҳақининг 75 фоизидан кам бўлмаган миқдорда нафақа тўланади.

Янги туғилган болани фарзандликка олган ёки унга васий қилиб белгиланган ходимнинг ёзма аризасига кўра, ходимга бола 2 ёшга тўлгунига қадар болани парваришлаш таътили берилади.

Ушбу давр учун Вазирлар Маҳкамаси томонидан белгиланган тартибда нафақа тўланади, шунингдек бола 3 ёшга тўлгунига қадар иш ҳақи сақланмайдиган таътил ҳам берилади.