Ижтимоий тармоқларда Тошкент вилояти Зангиота туманида катта ёнғин юз бергани айтилган видеолар тарқалди. Ҳолат юзасидан Фавқулодда вазиятлар бошқармаси расмий изоҳ берди.

Қайд этилишича, 11 июнь куни 21:41 да Зангиота тумани “Қуёшли” МФЙ ҳудудидан ўтган м-39 автомобиль йўли бўйида тахминан 150 квадрат метр очиқ майдонда қуруқ ўт ёнган. Шунга кўра, 2 та ёнғин-қутқарув экипажи соат 21:47 да воқеа жойига етиб бориб, ёнғин соат 22:50 да ўчирилган.

Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда.