Тошкент туманида чўккан боланинг жасади топилди. Бу ҳақда Бош прокуратура матбуот хизмати хабар берди.

Жорий йилнинг 3 июнь куни Тошкент вилояти, Тошкент туманининг Кўктерак ҳудуди, “Учсада” МФЙ ҳудудидан оқиб ўтувчи “Захариқ” каналига 6 ёшли бола тушиб кетгани хабар қилинганди.

Боланинг жасадини топиш учун канал сувини бир кунга тўхтатиб туришга рухсат берилмаётгани айтилганди. Ҳодиса ҳақида ОАВларда хабар тарқалгач, болани қидириб топиш бўйича зарур тезкор чоралар кўрила бошлаган эди.