8 июнь куни ижтимоий тармоқларда Юнусобод деҳқон бозорида бинолар ёнаётгани акс этган видео тарқалди. Фавқулодда вазиятлар вазирлиги матбуот хизматининг маълум қилишича, ёнғин бозор ҳудудида жойлашган дўкон ва дорихонада содир бўлган.

Воқеа жойига соат 12:58 да 5 та ёнғин-қутқарув экипажи етиб борган. Ёнғин соат 13:04 да ўраб олинган ва 13:09 да тўлиқ ўчирилган.

Ёнғин оқибатида дўкон ва дорихонанинг тахминан 80 квадрат метр майдони зарарланган. Ҳодиса оқибатида тан жароҳати олган ва ҳалок бўлганлар йўқ.