Санкт-Петербург — Тошкент йўналиши бўйича ҳаво кемаси бортида жамоат тартибини бузган йўловчига маъмурий жазо тайинланди, дея хабар бермоқда Транспортда хавфсизликни таъминлаш бош бошқармаси.

Маълум қилинишича, фуқаро С.Р. маст холда экипаж аъзолари билан жанжаллашган. Унга нисбатан Тошкент шаҳри аэропортларида хафвсизликни таъминлаш бошқармаси ходимлари томонидан Маъмурий жавобгарлик тўғрисидаги кодекснинг 183-моддаси (Майда безорилик) бўйича ҳжжатлар расмийлаштирилган.

29 май куни Жиноят ишлари бўйича Тошкент шаҳар Сергели суди томонидан фуқарога нисбатан 15 сутка маъмурий қамоқ жазоси тайинланган.