Янгиҳаёт туманида содир этилган 12 ёшли қизнинг қотиллиги билан боғлиқ жиноят иши айблов хулосаси билан мазмунан кўриб чиқиш учун судга юборилди. Бу ҳақда Бош прокуратура ахборот хизмати хабар берди.

Эслатиб ўтамиз, жорий йилнинг 31 январь куни Тошкент шаҳар Янгиҳаёт туманида зўрлик ва қотиллик аломатлари билан 12 ёшли қизнинг мурдаси топилган эди.

Мазкур ҳолат юзасидан Янгиҳаёт тумани прокуратураси томонидан Жиноят кодексининг 97-моддаси 2-қисми “в,з” бандлари билан жиноят иши қўзғатилган.

Қонунчиликка кўра, суд ишни кўриб чиқиш бўйича 7 суткада ажрим чиқариши ва шу муддатдан бошлаб 2 ойда ишни кўриб чиқиши керак.