Бугун, 10 май куни Тошкент шаҳрининг Яккасарой ҳамда Миробод туманлари ҳудудидаги айрим аҳоли яшаш хонадонлари ҳамда кичик тадбиркорлик субъектларида электр энергияси соат 08:00 дан 17:00 га қадар вақтинчалик ўчирилади. Бу ҳақда “Ҳудудий электртармоқлари” АЖ маълум қилди.

Қайд этилишича, истеъмолчиларга сифатли ва барқарор электр энергиясини етказиб берилишини таъминлаш, шунингдек, электр тармоқларида содир бўлиши мумкин бўлган авария ҳолатларини олдини олиш ҳамда таъмирлаш ишларини хавфсиз бажариш мақсадида:

Миробод туманининг: “Миробод” МФЙ, Катта Миробод ҳамда Миробод 4-тор кўчалари ҳудудидаги аҳоли яшаш хонадонларида;

Яккасарой туманининг: «Х.Сулаймон» МФЙнинг Х.Сулаймон ҳамда Минглар кўчалари ҳудудидаги аҳоли яшаш хонадонларида электр энергияси вақтинчалик ўчирилади.