Республика Маънавият ва маърифат маркази ташаббуси билан 9 май – Хотира ва қадрлаш куни арафасида миллий байроғимиз ранглари акс этган шараф ленталари тарқатиляпти.

Мамлакатимизнинг барча шаҳар ва туманларидаги марказий кўчалар, бозор ва хиёбонларда 9 май – Хотира ва қадрлаш куни муносабати билан тарғибот акциялари ташкил этилмоқда.

Республика Маънавият ва маърифат марказининг ҳудудий бўлим ва бўлинмалари ходимлари, зиёлилар ва фаол ёшлар жамоат жойларида юриб, ёшу қарининг кўксига шараф ленталарини тақиб қўйяптилар.

Автотранспорт воситаларига «9 май – Хотира ва қадрлаш куни” ёзуви туширилган, миллий байроғимиз ранглари жилоланган стикерлар ёпиштириб чиқилмоқда.