Ижтимоий тармоқларда гўёки Тошкентда атир сотувчи аёллар юрганлиги, улар сотаётган атирни ҳидлаган шахс вафот этаётганлиги ҳақида аудиохабар тарқалиб, турли муҳокамаларга сабаб бўлмоқда.

Тошкент шаҳар ИИББ ахборот хизматининг маълум қилишича, мазкур хабар ҳақиқатга мутлақо зид.

“Бу каби ҳолатлар Тошкент шаҳрида қайд этилмаганлигини, шу мазмундаги ёлғон хабарлар бир неча йиллардан бери ижтимоий тармоқларда айланиб юрганлигини маълум қиламиз”, – дейилади хабарда.

Шунингдек фуқаролардан, асосланмаган ва тасдиқланмаган хабарларга ишонмаслик ҳамда тарқатмаслик сўралган.