Ўзбекистонда зўравонликка қарши курашувчи Nemolchi.uz лойиҳаси асосчиси Ирина Матвиенко ўзининг Facebook`даги саҳифасида унга ўлим билан таҳдид қилингани, шу сабабли бир муддат мамлакатни тарк этганини маълум қилди.

Ушбу ҳолат бўйича ИИВ муносабат билдирди.

«Жамоат фаоли Ирина Матвиенконинг шахсий аккаунтига юборилган таҳдидли хабар Ўзбекистон Республикаси Ички ишлар вазирлиги Тезкор қидирув департаменти Киберхавфсизлик маркази томонидан ўрганилмоқда.

Ўрганиш натижалари бўйича ҳолатга ҳуқуқий баҳо берилади», дейилади вазирлик хабарида.