«Чегара билмас мухбирлар» (RSF) ташкилоти Жаҳон матбуот эркинлиги куни муносабати билан йиллик ҳисоботини эълон қилди.

Унга кўра, Ўзбекистонда сўз эркинлиги ўтган йилгига қараганда тўртта поғонага пасайиб, 133-ўриндан 137-ўринга тушган. Сиёсий, ҳуқуқий, иқтисодий, ижтимоий-маданий ва хавфсизлик кўрсаткичлари бўйича мавжуд 100 баллдан 45,73 балл жамғарилган. 

«15 га яқин интернет нашри сифатли контент чоп қилади», дейилади ҳисоботида.

Ўзбекистондан ташқари Россия (164- ўрин), Беларусь (157-ўрин), Тожикистон (153-ўрин), Қозоғистон (134-ўрин), Қирғизистоннинг (122-ўрин) сўз эркинлиги билан боғлиқ рейтинги ёмонлашган.

Сўз эркинлиги энг юқори дея Норвегия, Ирландия ва Дания топилган бўлса, энг ёмон деб Шимолий Корея, Хитой ва Вьетнам қайд этилган.