Фарғона вилояти Бувайда туманидаги «Қорақум» маҳалла фуқаролар йиғинида яшовчи уч асрни кўрган онахон Ҳувайдо момо Умарова референдумда овоз берди. 

470-участка комиссияси аъзолари кўчма қути билан ёши улуғ момо истиқомат қилаётган хонадонга боришган.

Ҳувайдо момо Умарова 2016 йилда Президент фармонига кўра «Шуҳрат» медали билан тақдирланган. 

Сурхондарё вилояти Денов туманида эса 100 ёшли Хуррам Ишқобилов референдумда иштирок этиш учун участкага борди.

Тумандаги 690-референдум участкасида овоз бериш жараёни давомида 100 ёшли фуқаро 95 ёшли турмуш ўртоғи ҳамда 70 ёшли фарзанди билан участкага келиб, овоз берди.

Наманган туманида яшовчи 107 ёшли Иброҳимжон Хўжаев Конституциянинг янги таҳрири бўйича референдумда участкага бориб овоз берди.