26 апрель куни Тошкент шаҳар Шайхонтоҳур туманидаги «Камолон Дарвоза» маҳалласида Янги Конституцияга киритилаётган ўзгартиришлар ва қўшимчалар мазмун моҳиятига бағишланган «Янги Конституция – халқ дардига қулоқ солувчи давлат асоси» шиори асосида «Аёл эъзозланган юрт» номли тадбир бўлиб ўтди. 

Янги Конституцияга киритилаётган  ўзгартиришлар ва қўшимчалар мазмун моҳиятига бағишланган мазкур тарғибот тадбирида “Оқила аёллар” ҳаракати етакчилари,  тадбиркор аёллар, давлат мукофоти совриндорлари, маҳаллалардаги хотин-қизлар фаоллари, маънавий-маърифий ишлар бўйича тарғиботчилар, кекса ва нуроний онахонлар, ёшлар ва кенг жамоатчилик иштирок этди.

Сўзга чиққанлар Янги Конституциянинг мазмун-моҳиятини, давлат ва жамиятда олиб борилаётган ислоҳотлар долзарблиги, уларга ҳамоҳанг фуқаролар онгли равишда фаолият олиб бориши лозимлиги ҳақида гапирди.

Тадбирда, шунингдек, концерт дастури ҳам намойиш этилиб, қатнашчиларга кўтаринки руҳ бағишлади.