Ер усти халқа метро йўлининг ИИ босқичи доирасида қуриб битказилган 5 та бекатда йўловчи ташувлари бошланди.

Транспорт вазирлиги хабарига кўра, «Қўйлиқ – Қурувчилар» участкасида қурилиш ишлари тугатилган 5 та бекат умумий узунлиги 7,74 километрни ташкил этади.

Шу тариқа Тошкент метрополитенининг бекатлари сони 48 тага етди. Ер усти метроси қурилишининг иккинчи босқичи тўлиқ якунланиши билан Тошкент метрополитенининг жами узунлиги 70 километрдан зиёд, бекатлар сони 50 та бўлади.