Ўзбекистонда Рамазон ҳайити муносабати билан барча ходимлар кетма-кет 3 кун дам олиши мумкин. Бу ҳақда Президент ҳузуридаги Давлат хизматини ривожлантириш агентлиги матбуот хизмати хабар берди.

2023 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисидаги Президент  фармонида ҳафтасига 6 кун ишлайдиганлар учун 24 апрель (душанба) қўшимча ишланмайдиган кун сифатида белгиланган.

5 кунлик иш ҳафтасида ишлайдиган ходимлар учун дам олиш кунлари:

• 22-апрел —шанба;
• 23-апрел — якшанба;
• 24-апрел — душанба (кўчирилган дам олиш куни).

Яъни, 5 кун ишловчилар учун душанба куни дам, 29 апрель — шанба эса иш куни бўлади.

Агар 22 апрель — шанба Ўзбекистон мусулмонлари идораси уламолари хулосаси асосида Рамазон ҳайитининг 1-куни сифатида белгиланса, 21 апрель — жума куни кундалик иш (смена) муддати барча ходимлар учун камида 1 соатга қисқартирилади.