Бугун, 14 апрель куни Самарқандда МДҲ Ташқи ишлар вазирлари кенгашининг йиғилиши бўлиб ўтмоқда.

Унда Ҳамдўстлик мамлакатлари ташқи сиёсат идоралари вакиллари, шунингдек, МДҲ Ижроия қўмитаси Бош котиби Сергей Лебедев иштирок этяпти.

Йиғилишда Ўзбекистоннинг Самарқанд ва Тошкент шаҳарларининг 2024 йилда МДҲдаги мақомлари белгиланди.

Унга кўра, Ҳамдўстликнинг 2024 йилги маданий пойтахти мақоми Самарқанд шаҳрига, ёшлар пойтахти мақомининг эса Тошкент шаҳрига берилади.

«Бу Ўзбекистоннинг МДҲ доирасида ўзаро ҳамкорлигимиздаги фаол иштирокининг ёрқин далилидир», – дейди Лебедев.

«Спутник» нашрига кўра, ушбу масала МДҲ давлат раҳбарлари кенгаши муҳокамасига киритилади.

Маълумот учун, МДҲ Ташқи ишлар вазирлари кенгашининг навбатдаги йиғилиши 12 октябрь куни Бишкекда бўлиб ўтади.