Бухоро вилояти Вобкент туманида 9-синф ўқувчиси ретро дизайндаги электромобиль яратди.

Электромобилга 12 вольтли тўртта аккумулятор ўрнатилган. Ўт олдирилганда таблода «Оқ йўл» ёзуви пайдо бўлади.

Автомобиль калити йўқолиб қолгудек бўлса, уни эгаси бармоқ изи воситасида ҳам ўт олдира билади. Бошқалар бундай қила олмайди. Машина тўлиқ ўзбек тилида дастурлаштирилган.

Туристик зоналарга мўлжалланган бу электромобиль айни дамда соатига 50 километр тезликда ҳаракатлана олади. Зарур техник ишлар бажарилса, тезликни соатига 100 километр ва ҳатто ундан ҳам ошириш мумкин. Электрокар қуёш панели, шунингдек, электр токи воситасида ҳам қувватланади.