Статистика агентлиги ахборот хизмати Ўзбекистонда аёллар сони эркаклар сонидан 235 мингга камроқ эканлигини маълум қилди.

Маълумотларга кўра республиканинг доимий аҳолиси 36 миллион 197 минг 781 кишини ташкил этади. Унда аёллар сони 17 миллион 981 минг 152 кишига, эркаклар сони эса 18 миллион 216 минг 629 кишига тенг.

2023 йилнинг 1 апрель ҳолатига доимий аҳоли таркибидаги эркаклар сони аёллар сонидан 235 477 нафарга кўпроқ.

Маълумот учун, 2023 йилнинг 1 январь ҳолатига доимий аҳоли таркибидаги эркаклар сони аёллар сонидан 232 210 нафарга кўп бўлган. Мазкур даврда аҳоли сони 36 миллион 024 минг 946 кишини ташкил этганди.