Рахманбаева Лола Самигжановна Табиат ресурслари вазирлиги матбуот котиби – Вазирнинг ахборот сиёсати масалалари бўйича маслаҳатчиси лавозимига тайинланди.

Тайинлов Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги хулосасига кўра амалга оширилди.

Қайд этиш лозим, Лола Рахманбаева 2019 йилдан шу кунга қадар Туризм ва маданий мерос вазирлигида худди шу лавозимда ишлаган.

У 1980 йилда Тошкент шаҳрида туғилган. 2003 йилда Тошкент Давлат Шарқшунослик университети магистратурасини тамомлаган.