Ўзбекистонда «Tutukon neo» ичиш учун эритма 250 мл дори препаратининг айрим сериялари сотувдан қайтариб олинмоқда.

Ушбу дори препарати «Зарур ишлаб чиқариш амалиёти (GMP)” талаблари бузилган ҳолда ишлаб чиқарилган.

Испаниянинг «Дори воситалари ва тиббий буюмлар агентлиги» (AEMPS) қарорига биноан, Испаниянинг Labaratorio Miquel Y Garriga Inc, S.L. корхонаси томонидан чиқарилган «Tutukon neo» ичиш учун эритма 250 мл (флаконларда) дори препаратининг «Зарур ишлаб чиқариш амалиёти (GMP)” талаблари бузилган ҳолда ишлаб чиқарилгани аниқланган.

Ўзбекистон Республикаси Соғлиқни сақлаш вазирлиги ҳузуридаги «Дори воситалари, тиббий буюмлар ва тиббий техника экспертизаси ва стандартлаштириш давлат маркази» юқоридаги маълумотга асосан, Ўзбекистон Республикаси ҳудудига кириб келган қуйидаги: Р-049, Р-050, Р-051, Р-078, Р-080, Р-222, Р-236, Р-081, Р-124, Р-204, Р-205, Р-206, Р-218, Р-219, Р-220, Р-221, Р-223, Р-224, Р-225 серияларини фармацевтика бозоридан муомаладан қайтариб олинаётганини маълум қилган.

Эслатиб ўтамиз, Ўзбекистонда 2022 йилда 20 нафар боланинг ўлимига сабаб бўлган «Док-1 Макс» дори воситаларини ишлаб чиқарган Ҳиндистоннинг Marion Biotech фармацевтика фирмасининг лицензияси бекор қилинганди.