Қашқадарё вилояти Косон тумани ҳокими ўзи чақирган мажлисда рўзадорларни рўзасини очишга мажбурлагани айтилмоқда. Бу ҳақда Ўзбекистон Инсон ҳуқуқлари «Эзгулик» жамияти раиси Абдураҳмон Ташанов Facebook’даги саҳифасида ёзмоқда.

Абдураҳмон Ташановнинг ёзишича, 31 март куни соат 15 ларда мажлис чақирган Қашқадарё вилояти Косон тумани ҳокими Асрол Бойқораев қишлоқ хўжалигидаги муаммолар ҳақида жуда ғазаб билан гапирган. Шундан сўнг ходимларга мажлисда «Сенлар рўза тутволиб, сипо бўлиб юрасанлар. Ишни ким қилади?», деб сув келтиришни буюрган.

Ушбу вазиятга туман ҳокимлиги ҳали изоҳ бермади.