2 апрель куни соат 07:00 дан 10:00 га қадар Тошкент шаҳридаги айрим кўчаларда автотранспорт воситалари ҳаракати чекланади, деб хабар бермоқда пойтахт ҳокимлиги ахборот хизмати.

Қайд этилишича, шу куни 9 апрель — Амир Темур таваллудининг 687 йиллиги муносабати билан «Темурбеклар мактаби» ҳамда «Ёш чегарачи» академик лицейлари ўртасида югуриш мусобақаси ўтказилиши режалаштирилган. Ҳаракат чеклови қуйидаги кўчаларга тааллуқли:

• Янгизамон кўчасининг Сайҳун кўчасидан Эски Сарикўл кўчасигача бўлган қисми;
• Эски Сарикўл кўчасининг Янгизамон кўчасидан Абу Сулаймон Банокати кўчасигача бўлган қисми;
• Абу Сулаймон Банокати кўчасининг Эски Сарикўл кўчасидан Абдурауф Фитрат кўчасигача бўлган қисми;
• Абдурауф Фитрат кўчасининг Абу Сулаймон Банокати кўчасидан Янгизамон кўчасигача бўлган қисми.

Ҳайдовчиларга шу вақт оралиғида айланма йўллардан фойдаланишлари тавсия қилинди.