Ёшлар ишлари агентлиги Плоггинг акциясини йўлга қўйди.

Агентликнинг Telegram каналида ёзилишича, 30 мартдан 7 апрелга қадар мамлакатнинг ҳар бир нуқтасида Плоггинг акцияси ўтказилади. Плоггинг — табиатдан чиқинди тўплаш спорти ҳисобланади.

«Гўзал манзарали жойга қараганингизда, чиқиндилар турганини кўриб, сизнинг ҳам дилингиз хира бўладими? Демак, сиз табиатга бефарқ бўлмаганлар сафидасиз. Сайёрамиз сизнинг ёрдамингизга муҳтож», — дея тадбирда қатнашишга чақирилади хабарда.

Акция ўтказиладиган вақт ва жойи юзасидан маълумотларни ушбу ҳавола орқали олиш мумкин. Унда иштирок этиш истагида бўлганлар @plogginguzbot орқали рўйхатдан ўтиш имкониятига эга.