Таъмирлаш ишлари туфайли эртага Янгиҳаёт, Сергели туманларининг айрим маҳаллаларида табиий газ таъминоти вақтинчалик тўхтатилади.

Янгиҳаёт тумани Сатторова кўчасида жойлашган, ўрта босим д-219 мм.ли ва Спутник 4-мавзеси, Индекс бозори ёнидаги ўрта босим д-325 мм.ли газ қувурларига газ ҳисоблагич ўрнатиш ишлари «Ҳудудгаз Пойтахт» ГТФнинг «Янгиҳаёттумангаз» газ таъминоти бўлими томонидан амалга ошириш режалаштирилган.

Шу сабабли жорий йилнинг 29 март куни соат 10:00 дан 18:00 га қадар:

– Янгиҳаёт тумани аҳоли ва улгуржи истеъмолчилари «Ибрат», «Олчазор», «Навқурон», «Ал-Фарғоний», «Дўстлик», «Иқбол», «Йўлдош», «Тошкент», «Файзли», «Чортоқ» МФЙларидаги 3 491 та уй хўжаликларида ва кўп қаватли уйлардаги жами 4 437 та аҳоли хонадонларида ҳамда МФЙлари ҳудудида жойлашган 234 та улгуржи истеъмолчиларида;

– Сергели тумани аҳоли ва улгуржи истеъмолчилари «Нилуфар», «Илтифот», «Софдил» МФЙлари ҳудудидаги 288 та уй хўжаликларида ва кўп қаватли уйлардаги жами 2 718 та аҳоли хонадонларида ҳамда МФЙлари ҳудудида жойлашган 36 та улгуржи истеъмолчиларида газ таъминоти вақтинчалик тўхтатилади.

Шунингдек, Юнусобод тумани «Тикланиш» МФЙ ҳудудидаги ўрта босимли газ қувурига газ ҳисоблагич ўрнатиш ишлари режалаштирилгани сабабли бугун, 29 март куни соат 10:00 дан 18:00 га қадар туманнинг «Тикланиш» МФЙдаги 400 та уй хўжаликларида ҳамда мазкур маҳалладаги 10 та улгуржи истеъмолчиларда табиий газ таъминоти вақтинча тўхтатилади.

Маълум қилинишича, таъмирлаш ишлари якунлангач, табиий газ таъминоти қайта тикланади.