Диёра Келдиёрова Тбилисида дзюдо бўйича «Катта дубулға» турнирининг финал баҳсида Олимпиада чемпионини мағлуб этиб, турнирнинг олтин медалига сазовор бўлди.

-52 кг вазн тоифасидаги беллашувларда Келдиёрова Токио Олимпиадаси чемпиони, косоволик Дистрия Красничга қарши татамига чиқди ва рақибасини иппон баҳоси эвазига таслим этди.

Бу Келдиёрова учун «Катта дубулға» турнирларидаги тўртинчи олтин медаль ҳисобланади. 40 сонияда қўлга киритилган ушбу ғалаба орқали у жаҳон рейтинги учун 1000, Париж—2024 йўлида 500 очкони ўз ҳисобига қўшиб қўйди.