Ўзбекистон Бош консуллигида саудиялик йирик тадбиркор Муҳаммад Синди билан учрашув бўлиб ўтди, деб хабар бермоқда «Дунё» ахборот агентлиги.  Қайд этилишича, учрашув давомида Ўзбекистонга хорижий инвестицияларни жалб этиш билан боғлиқ масалалар атрофлича муҳокама қилинган.

Муҳаммад Синди Ўзбекистонда тиббиёт жиҳозлари, автомашина эҳтиёт қисмлари ишлаб чиқариш ва  помидорни қайта ишлаш бўйича лойиҳаларга тўғридан-тўғри сармоя киритиши мумкинлигини маълум қилди. “Учрашув якунида ишларни бошлаш мақсадида Ўзбекистоннинг тегишли ташкилотлари билан мулоқотни давом эттиришга келишиб олинди”, дейилади хабарда.