11 январь куни Тошкент, Самарқанд, Жиззах, Сирдарё, Сурхондарё вилоятлари ва Фарғона водийси вилоятларида баъзи жойларда бироз қор ёғади.

Республиканинг қолган ҳудудларида ёғингарчилик кутилмайди. Баъзи жойларга туман тушиши мумкин. Йўлларда яхмалак юзага келади. Шамол 7-12 м/с тезликда эсади, баъзи жойларда 17-22 м/с гача кучайиши мумкин, Сурхондарё, Фарғона вилоятларида айрим жойларида баъзида 23-25 м/с гача кучайиши мумкин. Ҳарорат -5-10, баъзи жойларда -17 даражагача пастлайди.

Тошкент шаҳрида кечга томон бироз қор ёғиши, туман тушиши мумкин. Йўлларда яхмалак юзага келади. Шамол шимоли-шарқдан 3-8 м/с тезликда эсади. Ҳарорат -7-9 даража бўлиши кутилмоқда.

Тоғ олди ва тоғли ҳудудларда қор ёғади, туман тушади. Йўлларда яхмалак юзага келади. Шамол 7-12 м/с тезликда эсади, баъзи жойларда 17-22 м/с гача кучайиши мумкин, айрим жойларида баъзида 23-25 м/с гача кучайиши мумкин. Ҳарорат -10-15 даража совуқ бўлади.

Аввалроқ ушбу ҳафтанинг охиригача аномал (ғайритабиий) совуқ об-ҳаво сақланиб туриши маълум қилинганди.