Лионел Месси LʼEquipe нашри томонидан 2022 йилнинг энг яхши спортчиси деб топилди.

35 ёшли ҳужумчи Аргентина терма жамоаси сафида жаҳон чемпиони бўлди, шунингдек, Қатардаги турнирнинг энг яхши футболчиси сифатида эътироф этилди.

Овоз бериш якунларига кўра, Мессининг «ПСЖ»даги жамоадоши Килиан Мбаппе иккинчи ўринни эгаллади. Учинчи ўринга теннисчи Рафаэл Надал лойиқ кўрилди. «Реал» ҳужумчиси, «Олтин тўп» соҳиби Карим Бензема эса олтинчи ўриндан жой олди.

Тўлиқ рўйхат қуйидагича кўриниш олди:

1. Лионел Месси (футбол, ​​808 очко)

2. Килиан Мбаппе (футбол, ​​381)

3. Рафаэл Надал (теннис, 285)

4. Ремко Эвенепул (велоспорт, 252)

5. Макс Ферстаппен (Формула-1, 196)

6. Карим Бензема (футбол, 195)

7. Арман Дюплантис (енгил атлетика, 185)

8. Стефен Карри (баскетбол, 139)

9. Антуан Дюпон (регби, 105)

10. Давид Попович (сузиш, 98).

Энг яхши спортчи учун бериладиган мукофот LʼEquipe томонидан 1975 йилдан бери топширилиб келинади. Ғолиб нашр журналистлари берган яширин овозлар орқали аниқланади.