Uzbekistan Airways талабалар учун республика бўйлаб амалга ошириладиган ички авиақатновларга 50% чегирма муддатини 2023 йил 18 январга қадар узайтирди.

Маълум қилинишича, 2023 йил 10 январга қадар чегирма асосида харид қилинган авиачипталарни 18 январгача режалаштирилган авиақатновларга бепул қайта бронь қилишга рухсат этилади.

Аввалроқ, Ўзбекистонга аномал совуқ об-ҳаво кириб келиши муносабати билан барча бўғиндаги таълим муассасаларида қишки таътил муддати 17 январга қадар узайтирилган эди.