Жорий йилнинг 9 январь куни Ўзбекистон ҳудудига Волгабўйи ҳудудларидан Россия Европа қисмининг шимолий ҳудудларида шаклланган совуқ ҳаво массаси кириб келиши бошланади.

9-11 январда Ўзбекистоннинг катта қисмида ёғингарчилик (ёмғир, қор) бўлади. Тоғ олди ва тоғли ҳудудларда қор ёғади, баъзи жойларда кучли бўлади.

9-10 январда баъзи жойларда шамол 15-20 м/с гача кучайиши мумкин.

10-15 январда республика бўйича аномал совуқ об-ҳаво бўлиши кутилмоқда. Ҳаво ҳарорати кечалари -12-17 совуққача, кундуз кунлари -5-8 даража совуққача;

шимолда кечалари -17-22 совуққача, Устюртда ва чўл ҳудудларда баъзи жойларда -25-27 даража совуққача, кундуз кунлари 7-10 даража совуққача;

жанубда ва Фарғона водийсида кечалари -5-10 совуққача, кундуз кунлари -2-5 даража совуққача пасаяди.

Йўлларда баъзи жойларда яхмалак юзага келади.