Озарбойжоннинг Боку шаҳрида шахмат бўйича «Вугар Гашимов» хотирасига бағишланган анъанавий халқаро турнирда ғолибликка эришган ҳамюртимиз Нодирбек Абдусатторовнинг сурати АҚШдаги машҳур «Times-square» майдонида намойиш этилди. Бу ҳақда Озарбойжон шахмат федерацияси матбуот хизмати хабар тарқатди.

Хабарда айтилишича, ўзбек шахматчисининг нуфузли мусобақадаги ўзига хос ғалабаси ҳамда Бакуда ўтган «Вугар Гашимов» турнири дунё эътиборида эканлигидан далолат.

Аввалроқ Нью-Йоркдаги «Times-square» майдонида «Вугар Гашимов-2022» турнирининг рамзи намойиш этилганди.