2022 йилнинг 1 июль ҳолатига кўра, Ўзбекистоннинг давлат қарзи 26 млрд долларни ташкил этиши маълум қилинди. Бу ҳақида Молия вазирлиги маълумот берди. 

Шундан 23,36 млрд доллар мамлакатнинг ташқи қарзи, 2,77 млрд доллар ички қарзи ҳисобланади.

2022 йилда Ўзбекистон давлат қарзи ялпи ички маҳсулотга нисбатан 35,1 фоиз бўлиб, бу кўрсаткич 2021 йил якунида 38 фоизни ташкил этган. Халқаро валюта жамғармасининг мамлакатлар иқтисодиётига бағишланган ҳисоботида бугунги кунда Ўзбекистоннинг давлат қарзи «мўътадил» даражада деб баҳоланган.