«Истеъмол бозорларида нархлар барқарорлигини таъминлашга доир қўшимча чора-тадбирлар тўғрисида»ги Президент фармони қабул қилинди. Бу ҳақида Telegram’даги «Ҳуқуқий ахборот» канали хабар берди.

Фармонга кўра, Президентнинг 2022 йил май охиридаги фармонида келтирилган товарларга, жумладан, балиқ, янги ёки қуритилган цитрус мевалари (лимондан ташқари), маргарин ва бошқага импорт божхона божининг ноль ставкаси қўлланиш муддати 2023 йил 1 июлгача узайтирилиб, мазкур рўйхатга буғдой уни ёки буғдой-жавдар уни ҳам киритилган.