Ижтимоий тармоқларда Навоийда мактаб директори ва унинг ўринбосари қоровулхонада қарта ўйнаб ўтиргани акс этган видео тарқалди. Мазкур ҳолат юзасидан Навоий вилояти Халқ таълими бошқармаси расмий муносабат билдирди.

Қайд этилишича, тумандаги 52-умумтаълим мактабидаги мазкур ҳолат Нурота тумани халқ таълими бўлими томонидан ўрганиб чиқилган.

«Мактабда ўқув ишлари, ташкилий-техник ва кадрлар масаласида ўзибўларчиликка йўл қўйилгани, ички тартиб-қоидаларга хилоф тарзда хатти-ҳаракатлар содир этилгани аниқланди. Мактаб директори Р.Сафаров ва унинг ўқув ишлари бўйича ўринбосари Х.Жўрабоев эгаллаб турган вазифасидан озод этилди», — дейилади вилоят ХТБ муносабатида.