Тошкент 12 октябрь куни ҳавоси энг ифлосланган шаҳарлар қаторидан ўрин олди. Бу ҳақда гидрометеорологик тадқиқотлар муаллифи Эркин Абдулаҳадов ўз каналида ёзди.

«Ҳавода майда PM-2,5 дисперс заррачасининг меъёрий қийматларидан ортиши ҳавонинг сифат даражаси «қониқарсиз» бўлишини таъминлади. Мазкур кўрсаткич билан пойтахт Тошкент соат 18:00 да дунёнинг йирик шаҳарлари орасида ҳавонинг ифлосланиши бўйича 8-ўринда қайд этилди», деб ёзади Эркин Абдулаҳадов.

12 октябрь 18:00 ҳолатига кўра Қозоғистон пойтахти Остона ҳавоси энг ифлосланган шаҳар сифатида қайд этилган. Шунингдек, Ченгду, Пекин, Уҳан (Хитой), Лаҳор (Покистон), Дубай (БАА), Деҳли (Ҳиндистон) шаҳарларида ҳам ҳавонинг кескин ифлосланиши кузатилган.